حقوق النشر

سَماع منصة بيرفع عليها المستخدمون المحتوى بأنفسهم. قبل أي رفع، بيقرّ المستخدم إنه يملك حق نشر التسجيل، أو إنه متاح للنشر العام، وإن تصنيفه صحيح. وكل مقطع بيعدّي على مراجعة المشرفين قبل ما يتنشر، لكن المراجعة مش ضمان إن كل المحتوى خالي من أي مشكلة في الحقوق.

اللي مسموح برفعه

• تسجيلاتك انت، أو تسجيلات عندك إذن صريح بنشرها.
• تسجيلات متاحة للنشر العام من أصحابها.

اللي مش مسموح برفعه

• إصدارات شركات الإنتاج أو الألبومات التجارية من غير إذن.
• أي تسجيل بتصنيف غلط، زي تسجيل فيه موسيقى ومكتوب عليه «بدون موسيقى».

طلب إزالة محتوى

لو انت صاحب الحقوق أو بتمثّله، وشايف مقطع منشور من غير إذنك:

1. افتح صفحة المقطع، واضغط «إبلاغ».
2. اختار السبب «حقوق نشر».
3. اكتب في التفاصيل انت مين، وإيه دليل ملكيتك، وإيه رابط العمل الأصلي لو موجود.

الإبلاغ محتاج حساب.

بعد البلاغ

المشرفون بيراجعوا البلاغ. ولو طلع صحيح، بيتخفى المقطع ويظهر السبب لصاحبه. ولو حد رفع مقطعك بالغلط أو حصل خطأ في الإخفاء، تقدر تتواصل معانا بنفس الطريقة.